Apple po përpiqet me “çdo forcë” të mbajë sekret sa më surpriza dhe risi të iPhone 17, që pritet të dalë në vjeshtë. Por, pavarësisht kësaj në vazhdimësi janë zbuluar detaje për pajisjen e re. Kësaj here nuk bëhet fjalë për risitë, kamerat, baterinë apo madhësinë. Burime për mediat e huaja kanë konfirmuar se iPhone 17 do të ketë një ngjyrë të re, që nuk ka qenë në asnjë prej risive të telefonave që ka prodhuar Apple më parë.
Sipas “Majin Bu”, që konsiderohet si një burim informacioni i Apple, bëhet e ditur se pajisja e re do të jetë e disponueshme në 4 ngjyra, një prej të cilave do të jetë e kaltra.
“Sky Blu” nuk ka qenë pjesë e ngjyrave të telefonave, por ka qenë e disponueshme si opsion për “MacBook Air”. Me pak fjalë iPhone 17 Pro do të jetë në ngjyrë titanium i zi, titanium i bardhë, titanium “desert” dhe në titanium të kaltër. Hera e fundit që Apple përdori në pajisjet e saj një nuancë të kaltër ishte në vitin 2021 me iPhone 13 Pro i cili erdhi në një nuancë të quajtur “Sierra Blue”.